《ꃅꈊꀐ—ꀁꇬꁧꏾ》

作者：ꀉꑗꌺ

朗诵：勒尔阿呷

ꃅꈊꀐ—ꀁꇬꁧꏾ

ꃅꈊꇁꂯ

ꈨꌺꋍꍈꊯꅉꎑꅉꃅꄉꁦꇤꑐ

ꊨꊭꋍꁯꉙꅉꑵꅉꃅꄉꌩꏪꏓ

ꉷꃅꊰꌠꑌꂸꐥ

ꏦꑳꃹꌠꑌꂸꐥ

ꎆꎹꋚꈹꁧꌠꑌꂸꐥ

ꀂꏾꈎꄉꊼꇅꆈꇬꆏ

ꇁꄮꈝꂾꏢꌠꏸꑮꇂꃴꁮꑴꌦ

ꀋꇷ...ꇁꃼꇁꑳꑞꁆꂴꆽꐕꌦꂯ

ꆏꉉ...ꉻꍯꑊꍽꆎꂷꉂꃆꉂꑘꋍꑖꀵꄎꀕ

ꀊꄶꉜ

ꆺꑳꀉꄉꁮꈻꏦꃴꍬꇁꃲ

ꒀꃀꇿꈴꑾꌺꇿꄔꃅꄉꇁ

ꋍꂷꆿꀋꌌ

ꋍꂷꈜꀋꑽ

ꋍꂷꆙꀋꅝ

ꆺꑳꀉꂿꐂꇓꉻꆹꏾ

ꋚꑌꈁꎔꎗꌠꃅꌋꌻꑘꍈꂿꄷ

ꃱꏬꑸꑽꇸꇁꇇꏢꊐꌠꉘꁇꁉ

ꉜꉛꑓꏣꈘꑌꌺꀱꑳꂾꇥꆷꃓꂸꇁ

ꀃꂰꋋꄮ

ꊿꀀꐛꁓꄅꌠꆈꌠꁡꇤꀀꑌꇴꌒꌐꀐꋭ

ꅀꉐ...ꈌꃮ꒔ꇬꋋꇬꇫꈌꐚꏭꐛꀋꂸ

ꉈꑴ...ꑳꊂꒊꃀꂾꌠꑝꃅꑠꃅꉌꐡꑓꐡꇁꌠꉬ

ꉂꃆꉂꑘꉙꌐꇁꂸꉆꀐ

ꆍꊇꉜꇬꆹꐮꀕꀋ